Frances Bean Cobain
  | |
| Biografía | |
|---|---|
| Nacemento | 18 de agosto de 1992 (31 anos) Os Ánxeles, Estados Unidos de América |
| Datos persoais | |
| País de nacionalidade | Estados Unidos de América |
| Educación | Highland Hall Waldorf School (en)  |
| Actividade | |
| Ocupación | artista , xornalista , modelo |
| Lingua | Lingua inglesa |
| Familia | |
| Cónxuxe | Riley Hawk (2023–) Isaiah Silva (2014–2017), divorcio |
| Parella | Riley Hawk (en) (2021–2023) |
| Pais | Kurt Cobain e Courtney Love |
| Parentes | Hank Harrison (en) (avó materno) Linda Carroll (pt) (avoa materna)Paula Fox (bisavó (pt) )Paul Hervey Fox (tataravó) Elsie Fox (en) (tataravoa)Donald Leland Cobain (pt) (avó paterno)Wendy Elizabeth Fradenburg (pt) (avoa paterna)Leland Elmer Cobain (en) (paternal grandfather's father (en) )Iris Maxine Labrot (en) (paternal great-grandmother (en) )John Arthur James Cobain (en) (father's father's father's father (en) )Grace Almeda Gibson (en) (father's father's father's mother (en) ) |
     | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2015.) |
Frances Bean Cobain, nada nos Ánxeles (California) o 18 de agosto de 1992, é unha artista visual estadounidense. É a única filla do líder de Nirvana, Kurt Cobain, e da líder de Hole, Courtney Love.
Traxectoria[editar | editar a fonte]
O nome de Frances foi elixido en honor de Frances McKee, a guitarrista do dúo indie rock The Vaselines. O segundo nome, Bean, foi elixido porque Kurt pensou que parecía un feixón na ecografía. O seu padriño é o cantante de REM, Michael Stipe e Drew Barrymore é a súa madriña.
En agosto do 2006 foi fotografada pola revista Elle vestindo o famoso suéter e os pantalóns de pixama do seu pai como parte dun artigo no cal os fillos de famosas estrelas de rock vestían pezas dos seus pais. Ela explicou "Vestín os seus pixamas porque en 1992 el casou coa miña nai en Hawai vestíndoos, polo que crin que sería adorábel se os vestía hoxe. El era demasiado preguizoso como para usar un esmoquin e casou en pixama!
En xullo de 2010, Cobain presentou unha colección das súas obras de arte titulada "Scumfuck" baixo o pseudónimo de "Fiddle Tim" na Galería A Luz de Xesús nos Anxeles
O 4 de agosto do 2012 Cobain participou nunha exposición grupal titulada "A MiXTAPE" utilizando o seu propio nome. Os artistas debían elixir unha canción pola cal debían ser inspirados a crear. Frances elixiu a canción "Black" da banda escocesa de rock alternativo The Jesus and Mary Chain. A mestura eléctrica de cancións estivo dispoñíbel en formato dixital en iTunes.
O 30 de outubro do 2012 Cobain anunciou que a súa primeira exposición solista tería lugar en febreiro e sería posibilitada pola artista e cantante Jessicka.
Outros traballos[editar | editar a fonte]
Segundo a revista Rolling Stone, o título e a portada do box set de 2005, Sliver: The Best of the Box, foron elixidos por Cobain.
Cobain traballou como pasante de Rolling Stone de xuño a agosto de 2008.
Cobain apareceu como vocalista invitada na canción My Space do álbum Evelyn Evelyn de Evelyn Evelyn, que foi lanzado o 30 de marzo de 2010. Amanda Palmer de Evelyn Evelyn aclarou que Cobain foi unha das 20 artistas que cantaron a mesma liña e cuxas voces foron mesturadas na gravación.
